Sara Din Be-Kar baiThe Sham Ko Ghar Aa Gae

Poet

saara din be-kar baiThe shaam ko ghar aa ga.e

ḳhvab men chalne lage divar se Takra ga.e

main bhari saḌkon pe bhi be-chap chalne lag gaya

ghar men so.e log mere zehn par yuun chha ga.e

mera beTa mere dushman ki hi tasviren bana.e

mere abba us ki copy dekh kar ghabra ga.e

jab bhi suraj Dubte dekha main ḳhush hone laga

par ka.i manhus chamgadaḌ mujhe larza ga.e

asman ki samt dekha badalon ke vaste

dekhte hi dekhte chilon ke dil manDla ga.e