Gauhar Hoshiyarpuri
sar par koi asman rakh de
ik munh men magar zaban rakh de
aa sulh nahin salam to le
ye tiir chaḌhi kaman rakh de
itna bhi na be-lihaz ho ja
thoḌa sa to ḳhush-guman rakh de
tujh ko tiri hikmaten mubarak
ik haath pe ik jahan rakh de
phir ham ko gada-e-rah bana kar
rah men koi imtihan rakh de
tafsil kahin garan na paḌ jaa.e
ik harf men dastan rakh de
ab dhyan ki baat chhiḌ ga.i to
kuchh is se alag bhi dhyan rakh de
Leave a Reply