Hayat Amrohvi
gham gavara bhi nahin gham se kinara bhi nahin
aur is zindagi-e-ishq se chara bhi nahin
kis ne ulTi hai ye apne ruḳh-e-taban se naqab
chand to chand falak par koi taara bhi nahin
main unhen apna kahun maslihaten us ke ḳhilaf
vo mujhe ghair samajh len ye gavara bhi nahin
kya kiya haa.e ye ehsas-e-ḳhud-agahi ne
ab vahan huun ki jahan rah ke tumhara bhi nahin
jaane kya baat samajh lenge ‘hayat’ us ko vo
ham ne is ḳhauf se un ko to pukara bhi nahin
Leave a Reply