sar-e-shaḳh-e-talab zanjir nikli
ye kis ke ḳhvab ki ta.abir nikli
zamin par be-zamini ki kasak hai
ye mere naam ki jagir nikli
iradon se nikal aa.e irade
mire andar ajab ta.amir nikli
darichon par dariche khul rahe hain
har ik tasvir men tasvir nikli
safar men phir safar ke ḳhvab aa.en
yahi har ḳhvab ki ta.abir nikli
sar-afrazi ka manzar dekhta tha
barahna-sar har ik tauqir nikli
Leave a Reply