sar-e-sahra-e-duniya phuul yuun hi to nahin khilte
dilon ko jitna paḌta hai tohfe men nahin malte
ye kya manzar hai jaise so ga.i hon soch ki lahren
ye kaisi sham-e-tanha.i hai patte tak nahin hilte
maza jab tha ki botal se ubalti phailti rut men
dhuan sanson se uThta garm boson se badan chhilte
jo bhar bhi jaa.en dil ke zaḳhm dil vaisa nahin rahta
kuchh aise chaak hote hain jo juḌ kar bhi nahin silte
Leave a Reply