sar-e-divar chunvai gai huun
kabhi hiron men tulvai gai huun
main aurat thi sharik-e-takht kab thi
so malika kah ke bulvai gai huun
mire paikar ka tha paiham taqaza
main har ik gaam bahkai gai huun
muqaddas hain sabhi rishte jo mere
to kyuun bazar men laai gai huun
miri har soch par pahre lage hain
kahan zi-aql kahlai gai huun
bana kar aaina ‘afroz’ ‘rizvi’
hadaf patthar ka thahrai gai huun
Leave a Reply