saqi-gari ka farz ada kar diya gaya
paani ka ghunT zahr mila kar diya gaya
bas tajrabon ki nazr hue apne saare ḳhvab
kya ham ne karna chaha tha kya kar diya gaya
vabastagi kisi ki to is gham-kade se hai
varna yahan pe kaun jala kar diya gaya
ab qaid ḳhatm hone ki vo kya ḳhushi mana.e
par qainch kar ke jis ko riha kar diya gaya
ḳhu-e-sitam tumhen di hamen ḳhu-e-zabt-e-gham
sab ko ba-qadr-e-zarf ata kar diya gaya
ik zikr aisa chheḌa kisi gham-gusar ne
bharne ko tha jo zaḳhm hara kar diya gaya
Leave a Reply