saans siine men jakaḌ jaata hai
ab ta.alluq jo bigaḌ jaata hai
muddaton ho na mulaqat agar
fasla tuul pakaḌ jaata hai
jis ka rishta na zamin se qaa.em
vo shajar jaḌ se ukhaḌ jaata hai
kab main aata huun shikanje men bhala
ik ḳhayal us ka jakaḌ jaata hai
jahan divaron men dar rote hon
aisa ghar jald ujaḌ jaata hai
mujh men aaseb basa hai ‘safdar’
jo bhi milta hai bichhaḌ jaata hai
Leave a Reply