saneha nahin talta sanehe pe rone se
habs-e-jan na kam hoga be-libas hone se
ab to mera dushman bhi meri tarah rota hai
kuchh gile to kam honge saath saath rone se
matan-e-zist to saara be-numud lagta hai
dard-e-be-nihayat ka hashiya na hone se
sachche sher ka khaliyan aur bharta jaata hai
dard ki zaminon men gham ki fasl baune se
hadsat-e-paiham ka ye maaal hai shayad
kuchh sukun milta hai ab sukun khone se
kis hunar se yaron ne dastan raqam kar li
mere khun-e-dil men hi ungliyan Dubone se