samne ji sambhal kar rakhna
phir vahi apna haal kar rakhna
aa ga.e ho to is ḳharabe men
ab qadam dekh-bhal kar rakhna
shaam hi se baras rahi hai raat
rang apne sambhal kar rakhna
ishq kar-e-payambarana hai
jis ko chhuna misal kar rakhna
kisht karna mohabbaten aur phir
ḳhud use pa.emal kar rakhna
roz jaana udaas galiyon men
roz ḳhud ko niDhal kar rakhna
saḳht mushkil hai a.inon se ‘rasa’
vahimon ko nikal kar rakhna
Leave a Reply