samjhe hain misl-e-kah mujhe marte hain log
kitne hain kam-nigah mujhe marte hain log
itna bhi ehtijaj gavara nahin unhen
bharta huun jab bhi aah mujhe marte hain log
maana ki tere adl ka Danka hai chaar su
lekin ai kaj-kulah mujhe marte hain log
tai hai ki phir gira diya ja.unga chaah men
pahle barun-e-chah mujhe marte hain log
yuun bhi farogh dete hain apne darogh ko
la kar koi gavah mujhe marte hain log
Leave a Reply