Ai Dil Aata Hai Chaman Mein Wo Sharabi Tu Pahunch

ai dil aatā hai chaman meñ vo sharābī tū pahuñch

le ke piyāla gul kā ġhuncha kī gulābī tū pahuñch

bhar ke sāġhar kījiye ḳhālī ġham-e-daurāñ se dil

ab na kar tāḳhīr ai saaqī shitābī tū pahuñch

pahne qāsid jab talak yak-bār sharh-e-ishtiyāq

le kar ai betāb dil kī iztirābī tū pahuñch

ḳhvāhish-e-dil hai ki kiije sair-e-aqlīm-e-junūñ

Tuk madad ko us kī ai ḳhāna-ḳharābī tū pahuñch

jaa.e hai tanhā shab-e-tārīk meñ vo mehr-vash

āh-e-ātish-bār le kar māhtābī tū pahuñch

tā na phir shā.ir likheñ tausīf-e-bālā-e-butāñ

misra.a-e-mauzūn-o-sher-e-intiḳhābī tū pahuñch

jalva-farmā aaj hai taḳht-e-chaman par shāh-e-gul

le kar ai paik-e-sabā chatr-sahābī tū pahuñch

musht-e-ḳhāk apnī ko aalam meñ na zaa.e.a kar aziiz

hind se le tā-najaf ai bū-turābī tū pahuñch

ai ‘muhib’ ḳhvāhish gazak kī ho jo is mai-ḳhvār ko

hai tirā siina to dūkān-e-kabābī to pahuñch

Leave a Comment