ziyan gar kuchh hua to utna jitna suud hota hai
yahi jo hast hai is pal yahi to buud hota hai
tiri maujudgi mahdud karti hai tujhe tujh tak
tu na-maujud hone hi pe la-mahdud hota hai
jise dekho ba-zo.am-e-ḳhud hai Theke-dar jannat ka
kahin ik-adh hi mujh sa koi mardud hota hai
sabhi gup-chup taka karna but-e-be-his bana rahna
ḳhuda tujh hi sa kya sach-much mire ma.abud hota hai
vo pyasa tarsa barson ka tha aur main ru-ba-ru us ke
bas ik chingari ho to phir kahan barud hota hai
to pal bhar men nadarat gum sabhi duniya jahan aalam
main us se aur vo mujh se jab badan-alud hota hai
Leave a Reply