Samjhaen Kis Tarah Dil-E-Na-Karda-Kar Ko

samjhaen kis tarah dil-e-na-karda-kar ko

ye dosti samajhta hai dushman ke pyaar ko

nikla chamak ke mohr-e-qayamat bhi aur ham

baithe rahe chhupae dil daghdar ko

saaqi na mai na jaam na miina na mai-kada

aamad bahar ki ho mubarak bahar ko

kya kya bigad men bhi adaen hain dil-fareb

kitne banav aate hain gesu-e-yar ko

naseh ka imtihan ‘mubarak’ ho ek din

thodi pila ke dekhiye us hoshiyar ko

Leave a Comment