Haseebul Hasan
samjha koi bhi chaal na us chal-baz ki
karte rahe bayan sabhi honTon ki nazuki
dar par ḳhuda ke khinch ke laaya tha us ko ishq
kafir ko paḌ ga.i thi zarurat namaz ki
ham ne bhi ḳhud ke qatl men chhoḌi nahin kasar
us ne bhi dushmanon se bahut saz-baz ki
kanon ki kachchi nikli vo divar gaanv ki
tash.hir kar rahi hai faqiron ke raaz ki
ḳhat huun main aḳhiri kisi ‘anis-muin’ ka
tu yaad rahne vaali ghazal hai ‘faraz’ ki
Leave a Reply