Samajh Ke Dekho Ai Aarifan Tum Kiya Hai Haq Ne Ye Bhed Kaisa

samajh ke dekho ai ārifāñ tum kiyā hai haq ne ye bhed kaisā

ape hai avval ape hai āḳhir ape che maḳhfī ape che paidā

ape kahā kun ape che fayakūñ ape hai sān.e.a ape hai san.at

ape ahad aur ape che ahmad ape hai aadam ape hai havvā

ape hai matlab ape hai tālib ape hai dilkash ape hai āshiq

ape che majnūñ ape che laila ape hai yūsuf ape zuleḳhā

ape che kahtā ape che suntā ape hai daanā ape hai biinā

ape che qaa.im rahe hamesha ape che qādir ape tavānā

‘alīm’ mat kah ye rāz-e-maḳhfī piyā kī ulfat meñ rah sadā tū

agar sune is suḳhan ko ġhāfil gaḌhegā us par kaThin muammā

Leave a Comment