‘sakhi’ se chhut kar jaenge ghar aap
aji kuchh khair bhi hai hain kidhar aap
vo ashiq hain ki marne par hamare
karenge yaad ham ko umr bhar aap
pari samjhen pari, huren kahen huur
hue kis nuur ke paida bashar aap
na ashiq hain zamane men na maashuq
idhar ham rah gae hain aur udhar aap
dikhaenge ham apni laghari bhi
abhi to dekhiye apni kamar aap
mire naale agar sunne ka hai shauq
to sahab haath rakhiye kaan par aap
rasai us ke zulfon tak na hogi
‘sakhi’ be-faeda maren na sar aap