Shoaib Nizam
mizaj le ke bil-aḳhir juda kidhar jaa.e
charagh-e-dost bane hain hava kidhar jaa.e
dilon se rabt hai koi na dard se rishta
koi bata.e bhala ab dua kidhar jaa.e
har ik nigah men ik ḳhauf bhi hai ḳhvahish bhi
kise pata vo sitara-ada kidhar jaa.e
fasil band hain sab bu-e-gul ke shaida.i
chaman se nikle to bad-e-saba kidhar jaa.e
har ek samt andhera hai dekhiye kya ho
nikal ke ghar se vo raushan qaba kidhar jaa.e
Leave a Reply