sahra sahra bhatak rahi huun main
ab nazar aa ki thak rahi huun main
bichh rahe hain sarab rahon men
har qadam par atak rahi huun main
kyuun nazar khud ko main nahin aati
kab se aina tak rahi huun main
haae kya vaqt hai ki ab us ki
be-dili men jhalak rahi huun main
vaqt se tutta hua lamha
aur is men dhadak rahi huun main
jis ne rusva kiya mujhe ‘nusrat’
us ke aibon ko Dhak rahi huun main