sahra men hai qarar na sehn-e-chaman men hai
jab se dil-e-ḳharab tiri anjuman men hai
ye barhami jo zulf-e-shikan-dar-shikan men hai
shayad koi kami mire divana-pan men hai
jo karvan bhi aaya yahin ka vo ho raha
kya jaane kya kashish miri ḳhak-e-vatan men hai
rag rag men jaise barq-e-tapan dauḌne lagi
koi kashish to qissa-e-dar-o-rasan men hai
vo bazm-e-naz ba.is-e-azar hi sahi
dil ko magar qarar isi anjuman men hai
phulon ko ho saki na mah-o-mehr ko nasib
jalvon ki jo bahar tire pairahan men hai
ye kaun tishna kaam gulistan men aa gaya
bu-e-sharab barg-e-gul-o-yasman men hai
Leave a Reply