sahne ko hijr jab bhi tamanna mazid ki
main ne vajud-e-sher se lazzat kashid ki
dekha tha raat ḳhvab men sahra-mizaj shaḳhs
nagri bhi lag rahi thi vo ḳhvaja farid ki
ai muftiyan-e-shahr tumhen ilm hi nahin
logon ne mere chand ko dekha to iid ki
ye sunnat-e-husain hai so is liye bhi main
bai.at qubul ki na kisi bhi yazid ki
ḳhushiyan to dastiyab thiin bazar men magar
danista main ne hijr ki daulat ḳharid ki
Leave a Reply