Nazeer Qaisar
sahil ki ret chand ke munh par na Daliye
himmat jo ho to bahr se moti nikaliye
ḳhushbu ki tarah thaam ke chaliye hava ka haath
misl-e-ghubar bojh faza par na Daliye
avara mausamon ke bagulon ke saath saath
phirta hai koi mujh ko hava-dar-hava liye
khulta nahin ki kis ke liye sargiran huun main
qadmon men ḳhaak sar pe falak ki rida liye
saa.e ki tarah reng raha huun zamin par
guzre hue zamanon ki avaz-e-pa liye
ik harf mere kaan men kahta hai rat-din
mujh ko kitab-e-ḳhak se bahar nikaliye
mumkin hai koi shakl ubhar aa.e samne
a.ina-e-ḳhala men koi aks Daliye
azad ho saka na badan qaid-e-ḳhak se
har-chand ham ne paanv hava men jama liye
ik sham-e-be-nishan ka pata DhunDte hue
ham ne dil-o-nigah ke suraj bujha liye
Leave a Reply