Shafiq Saleemi
sahab-e-zar na sahi sahab-e-izzat hain abhi
aur ik sang-e-malamat ki salamat hain abhi
yuun to be-qufl hain lab aur sada.en azad
phir bhi alfaz ki mahrum-e-sama.at hain abhi
pur ta.assur thi bahut un ki ḳhitabat lekin
chand baten hain ki marhun-e-vazahat hain abhi
sach ke ḳheme men rahen jhuuT ki bai.at kar len
kitne hi log ki paband-e-rivayat hain abhi
Leave a Reply