Sahaare Bhi Uske Kinare Bhi Uske

sahāre bhī us ke kināre bhī us ke

magar ham jo Duube ishāre bhī us ke

yahāñ log saare ke saare hī us ke

jo us ke vo us ke hamāre bhī us ke

falak bhī ye saarā usī ke havāle

vo ḳhud chāñd hai hī sitāre bhī us ke

natīje ye saare hī haiñ us ke haq meñ

jo jiite vo us ke jo haare bhī us ke

kareñ to kareñ kyā ki rasta nahīñ kuchh

usī kā hai ġham ġham ke maare bhī us ke

Leave a Comment