Waseem Barelvi
safar pe aaj vahi kashtiyan nikalti hain
jinhen khabar hai havaen bhi tez chalti hain
miri hayat se shayad vo mod chhut gae
baghair samton ke rahen jahan nikalti hain
hamare baare men likhna to bas yahi likhna
kahan ki shamen hain kin mahfilon men jalti hain
bahut qarib hue ja rahe ho socho to
ki itni qurbaten jismon se kab sambhalti hain
‘vasim’ aao in ankhon ko ghaur se dekho
yahi to hain jo mire faisle badalti hain
Leave a Reply