na asman hai sakit na dil Thaharta hai
zamana naam guzarne ka hai guzarta hai
vo meri jaan ka dushman sahi magar sayyad
miri kahi hui baton pe kaan dharta hai
hamin hain vo jo umid-e-fana pe jiite hain
zamana zindagi-e-be-baqa pe marta hai
abhi abhi dar-e-zindan pe kaun kahta tha
udhar se haT ke chalo koi naale karta hai
vahi sukut se ik umr kaTne vaala
jo sunne vaala ho koi to kah guzarta hai
harif bazm men chheḌa karen magar ‘saqib’
vo dil jo baiTh gaya ho kahin ubharta hai
Leave a Reply