• Skip to main content
  • Skip to secondary menu
  • Skip to primary sidebar
  • Skip to secondary sidebar
  • Contact
  • disclaimer
  • Privacy Policy
  • Terms of Use
Urdu Poet

Urdu Poet

Read the Classic Poetry

  • Ghazal
  • Nazm
  • Qita
  • Short Stories
You are here: Home / Nazm / Safar Ke Waqt

Safar Ke Waqt

jaun-eliya

tumhari yaad mire dil ka daagh hai lekin

safar ke vaqt to be-tarah yaad aati ho

baras baras ki ho aadat ka jab hisab to phir

bahut satati ho janam bahut satati ho

main bhuul jaun magar kaise bhuul jaun bhala

azab-e-jan ki haqiqat ka apni afsana

mire safar ke vo lamhe tumhari pur-hali

vo baat baat mujhe baar baar samjhana

ye panch kurte hain dekho ye panch pajame

dale hue hain qamar-band in men aur dekho

ye shave-box hai aur ye hai old spice

nahin huzur ki jhonjal ka ab koi baais

ye diary hai aur is men pate hain aur number

ise khayal se bakse ki jeb men rakhna

hai arz ”hazrat-e-ghaeb-dimagh” bandi ki

ki apne aib ki halat ko ghaib men rakhna

ye tiin coat hain patlun hain ye taiyan hain

bandhi hui hain ye sab tum ko kuchh nahin karna

ye william hai ‘ontal’ hai aur ‘tarpati-nal’

tum in ke saath miri jaan drink se darna

bahut ziyada na piina ki kuchh na yaad aae

jo lucknow men hua tha vo ab dobara na ho

ho tum sukhan ki ana aur tamkanat janam

mazaq ka kisi ‘insha’ ko tum se yaara na ho

vo ‘jaun’ jo nazar aata hai us ka zikr nahin

tum apne ‘jaun’ ka jo tum men hai bharam rakhna

ajiib baat hai jo tum se kah rahi huun main

khayal mera ziyada aur apna kam rakhna

ho tum bala ke baghavat-pasand talkh-kalam

khud apne haq men ik azar ho gae ho tum

tumhare saare sahaba ne tum ko chhod diya

mujhe qalaq hai ki be-yar ho gae ho tum

ye bank-kar manager ye apne technocrat

koi bhi shubh nahin hain ye ek abas ka thithol

main khud bhi in ko cro-magnon samajhti huun

ye shandar janavar hain daftaron ka makhaul

main janti huun ki tum sun nahin rahe miri baat

samaj jhuut sahi phir bhi us ka paas karo

hai tum ko taish hai balishtiyon ki ye duniya

to phir qarine se tum un ko be-libas karo

tum ek saada o barjasta aadmi thahre

mizaj-e-vaqt ko tum aaj tak nahin samjhe

jo chiiz sab se zaruri hai vo main bhuul gai

ye passport hai is ko sambhal ke rakhna

jo ye na ho to khuda bhi bashar tak aa na sake

so tum shuur ka apne kamal kar rakhna

miri shikast ke zakhmon ki sozish-e-javed

nahin raha mire zakhmon ka ab hisab koi

hai ab jo haal mira vo ajab tamasha hai

mira azaab nahin ab mira azaab koi

nahin koi miri manzil pe hai safar darpesh

hai gard gard abas mujh ko dar-ba-dar pesh

Filed Under: Nazm Tagged With: Top Rated Poet

Reader Interactions

Leave a Reply Cancel reply

Your email address will not be published. Required fields are marked *

Primary Sidebar

Poet Type

  • Classic Poet
  • Sufi Poet
  • Top Rated Poet
  • Women Poets
  • Young Poets

Popular Ghazal

Dhul Hi Dhul aDi Hai Mujh Mein

Sirf Aankhen Thin Abhi Un Mein Ishaare Nahin The

Is Soch Mein Hi Marhala-E-Shab Guzar Gaya

akbar-hyderabadi

dahakte Kuchh Khayal Hain Ajib Ajib Se

shahryar

Meri Zamin

Secondary Sidebar

Famous Poet

  • Adil Mansuri
  • Ahmad Faraz
  • Ahmad Nadeem Qasmi
  • Akbar Allahabadi
  • Akhtar Shirani
  • Akhtar-ul-Iman
  • Ali Sardar Jafri
  • Allama Iqbal
  • Ameer Minai
  • Asrarul Haq Majaz
  • Bahadur Shah Zafar
  • Bashar Nawaz
  • Bashir Badr
  • Dagh Dehlvi
  • Etibar Sajid
  • Faiz Ahmad Faiz
  • Firaq Gorakhpuri
  • Hasrat Mohani
  • Jaun Eliya
  • Jigar Moradabadi
  • Kaifi Azmi
  • Khumar Barabankavi
  • Majrooh Sultanpuri
  • Meer Taqi Meer
  • Mirza Ghalib
  • Muneer Niyazi
  • Nasir Kazmi
  • Nida Fazli
  • Pirzada Qasim
  • Qateel Shifai
  • Sahir Ludhianvi
  • Saleem Kausar
  • Shakeel Badayuni
  • Shahryar
  • Waseem Barelvi
  • Zafar Iqbal

Copyright © 2023 ยท Urdu Poet