Peer Akram
sadiyon se musafir huun tujhe DhunD raha huun
main aaj bhi hairat ke dorahe pe khaḌa huun
be-chehra andheron ko munavvar bhi kiya hai
aur apne hi saa.e se kabhi ḳhud bhi Dara huun
ik umr jo zulmat ka zahrab piya hai
tab ja ke kahin nuur ke sanche men Dhala huun
takmil hui meri ḳhud apni hi fana se
phuTi jo kiran sub.h ki pahli to bujha huun
likh de meri qismat men kisi peḌ ka saaya
ik umr se tapte hue sahra men khaḌa huun
Leave a Reply