ab tak to yahi pata nahin hai
is shahr men kya hai kya nahin hai
patte ko na is tarah se dekho
Tahni se abhi gira nahin hai
chup-chap khaḌa hua huun kab se
ehsas to hai sada nahin hai
ik lamhe men main bhi tu bhi dukh bhi
zalim koi vaqt sa nahin hai
jo aks hai aa.ine men mera
us se koi vasta nahin hai
us raah pe chal raha huun kab se
jis raah men naqsh-e-pa nahin hai
har tan pe jo ‘ashk’ Thiik baiThe
vo coat abhi sila nahin hai
Leave a Reply