poet

Sadiyon Ko Behaal Kiya Tha

sadiyon ko behal kiya tha

ik lamhe ne saval kiya tha

mitti men tasviren bhar ke

kuza-gar ne kamal kiya thaa

bahar bajti shahnai ne

andar kitna niDhal kiya tha

jurm faqat itna tha main ne

ik raste ko bahal kiya tha

khushbu jaisi raat ne mera

apne jaisa haal kiya tha

ek sunahre hijr ne mujh se

kitna sabz visal kiya tha

More Poems

Leave a Comment