abdul-ahad-saaz

Sadem

zindagi ‘saadiya’ ke saath khile

dam-ba-dam yam-ba-yam hayat khile

mahv ho jaae sab guman-e-nafi

us ke chehre pe jab sabat khile

lams se us ke nanhe hathon ke

ghuncha-e-inkishaf-e-zat khile

siip honton men motiyon ki qatar

jab khile gauhar-e-sifat khile

muskurae to rau men aae hayat

khilkhila de to kaenat khile

us ki shaffaf niind mithe khvab

ghar men taron bhari si raat khile

sub.h jab aankh men kiran jaage

duur tak sabza-e-hayat khile

vo javan ho to shaeri nikhre

ik ghazal ‘saadiya’ ke saath khile

More Poems

Leave a Comment