siyah dil men safedi ke biij bo.ega
bichhaḌ ke jab vo milega to ḳhuub ro.ega
hai us ke paas ujalon ka marhami lashkar
vo saari raat andheron ke zaḳhm dho.ega
badi ka sabz samundar pukarta hai use
vo nekiyon ki sabhi kashtiyan Dubo.ega
vo dega ruuh ko nam-o-nasab ki mahrumi
badan ki Dor se rishte bahut piro.ega
main us ki rahm ki barish men qaht-zar hua
vo ab ke dhuup se miTTi miri bhigo.ega
Leave a Reply