Ye Nadi Kyun Is Qadar KHadshe Mein Hai

ye nadī kyuuñ is qadar ḳhadshe meñ hai

kyā koī tūfāñ kahīñ raste meñ hai

jis kī parvāzoñ ke the charche bahut

vo parinda aaj kal pinjre meñ hai

band jab se ho ga.ī merī ghaḌī

kitnā sannāTā mire kamre meñ hai

tum ga.e the jo adhūrī chhoḌ kar

vo kahānī aaj bhī vaqfe meñ hai

hai sukūñ se bas vahī ek aadmī

jo bure meñ hai na jo achchhe meñ hai

Leave a Comment