saada hai garche lauh-e-basarat bahal rakh
shor-e-qalam bahut hai sama.at bahal rakh
zaḳhm-e-talash men hai nihan marham-e-dalil
tu apna dil na haar mohabbat bahal rakh
nazzara be-nazara hua hai to kya hua
hairat ki taab diid ki hasrat bahal rakh
bas men to ḳhair kuchh bhi nahin hai tire magar
bachna hai yasiyat se to vahshat bahal rakh
masti o hosh o jazb o jalal o junun o ishq
ai mere yaar koi to shiddat bahal rakh
Leave a Reply