Sachchai Se Bilkul Aari Hota Hai

sachchā.ī se bilkul aarī hotā hai

terā va.ada bhī sarkārī hotā hai

jo amāvas kī raat meñ chamke vo jugnū

pūrnimā ke chāñd pe bhārī hotā hai

Daak ticket kī bhī koī auqāt hai kyā

terī yaad meñ aañsū jaarī hotā hai

us par hī phūloñ kī bārish karte ho

jis kā har jumla chiñgārī hotā hai

mahrūmī kā jashn manā.eñgī āñkheñ

phir elān-e-shab-bedārī hotā hai

Leave a Comment