Hina Abbas
sach ki ḳhatir bata tu laḌa hai kabhi
haq pe rah kar qadam bhar chala hai kabhi
kyuun kami teri mahsus hogi mujhe
saath mere kahan tu raha hai kabhi
mujh se pahle bhi to honge naqis yahan
shor itna magar kya macha hai kabhi
ho ke azad bhi main to huun qaid men
par kaTa kar parinda uḌa hai kabhi
tu kya jaane bikharne men kya lutf hai
raah men yaar ki tu bichha hai kabhi
jhuuT chalta raha sar ko uncha kiya
sach bhala kya kisi ko dikha hai kabhi
jis ko paḌh kar zamana sanvarne lage
sher aisa ‘hina’ kya kaha hai kabhi
Leave a Reply