Mujhe Barish Se Kahne Do

mujhe barish se kahne do javan jazbon men bahne do

ki jab barish barasti hai havaen sard chalti hain

mujhe vo yaad aate hain

mire aansu bahate hain

mujhe barish se kahne do

javan jazbon men bahne do

mujhe vo raat ka manzar

abhi tak yaad hai sahab

khuli chhat par tumhare sang rah kar bhiig jaana bhi

mujhe barish se kahne do

javan jazbon men bahne do

tumhari banhon ki narmi bhi

tumhari sanson ki garmi bhi

mujhe jab yaad aati hai

bahut aansu rulati hai

mujhe barish se kahne do

ki tum tanha nahin aana

mira mahbub bhi laana

main us ke saath kheli huun

bina us ke akeli huun

javan jazbon men bahne do

mujhe barish se kahne do

Leave a Comment