Sach Jo Kahta Hai Wo Mujrim Hi Bana Jata Hai

sach jo kahtā hai vo mujrim hī banā jaatā hai

aur us ko pas-e-dīvār chunā jaatā hai

log kahte haiñ magar mujh ko yaqīñ kyoñ aa.e

vo taḌaptā hai mohabbat meñ sunā jaatā hai

kaam aate haiñ bure vaqt meñ apne bhaa.ī

aur dushman bhī to bhaa.ī ko kahā jaatā hai

go samajhne meñ zarā der to lagtī hai par

vaqt duniyā ke sabhī rang dikhā jaatā hai

bevafā.ī ke sabhī rang dikhā.e tū ne

soch kar ḳhuun mire dil kā huā jaatā hai

jhuuT go bol rahā hai tū bahut himmat se

tere chehre kā magar rang uḌā jaatā hai

aa sikhā duuñ maiñ mohabbat ke tarīqe tujh ko

kaise har lamha mohabbat meñ jiyā jaatā hai

itnī shiddat na thī pahle to kisī jazbe meñ

yaad vo aa.e to aatā hī chalā jaatā hai

Leave a Comment