Laiq Aajiz
saba ye bargah-e-husn men ḳhabar karna
use to chahiye zarron ko bhi qamar karna
men chahta huun ta.alluq ke darmiyan parda
vo chahta hai mire haal par nazar karna
mire ḳhuda miri duniya hi ḳhatm kar dena
agar duaon ko meri tu be-asar karna
ye dekh lena mohalle ke log kaise hain
phir is ke ba.ad hi ta.amir apna ghar karna
tumhara kaam hai kichaḌ uchhalna lekin
hamare zarf men shamil hai darguzar karna
miri hayat se hai pyaar is liye ‘ajiz’
vo chahta hai miri umr muḳhtasar karna
Leave a Reply