saba ki ḳhak-navardi subu ki virani
tumhare baad hui aarzu ki virani
tire baghair mere hausle zaval-pazir
tire baghair miri justuju ki virani
shumar-e-umr-e-gurezan hisab-e-ta.at-o-zohd
vazu ki ḳhana-puri thi lahu ki virani
har ek dasht purana sarab-e-jan ki tarah
har ek shahr naya aabru ki virani
tumhare saath se mere suḳhan ki shirini
tumhare baad miri guftugu ki virani
tamam raat sarab-e-safar ka dhaḌka tha
tamam raat thi ik ha-o-hu ki virani
Leave a Reply