saba kahiyo zabani meri tuk us sarv-qamat ko
ki jab se dil liya aae na phir sahib-salamat ko
mire rone ko sun kar yuun laga jhunjhla ke vo kahne
miyan ye jaan khana hai utha do is malamat ko
jo milna hai to aa jaao gale se lag ke so rahiye
nahin to kaam kya aaoge ai sahab qayamat ko
uthae sau tarah ke zulm aur jaur-o-jafa tere
kaha shabash bhi tu ne na meri istaqamat ko
hua main khaak ai ‘asif’ na pahuncha is ke daman tak
liye jaunga saath apne adam tak is nadamat ko
Leave a Reply