sab us ki mahfil men hain
aur ham us ke dil men hain
kal tak to ḳhush-hal the ham
aaj baḌi mushkil men hain
raushan imkanat mire
saare mustaqbil men hain
be-parda hain laila.en
aur majnun mahmil men hain
muddat se ik azm liye
ham rah-o-manzil men hain
jab se billi jaag uThi
saare chuhe bil men hain
ik din bar-avar honge
tuḳhm jo ab-o-gil men hain
sab kuchh achchha hai ab ham
umr ki us manzil men hain
Leave a Reply