Poet
pesh har ahd ko ik tegh ka imkan kyuun hai
har naya daur na.e ḳhauf men ghaltan kyuun hai
shahr ke shahr hi behosh paḌe puchhte hain
zindagi apne amal-daron se nalan kyuun hai
aa.ina aks mo.attal to nahin karta kabhi
itna be-ab magar a.ina-e-jan kyuun hai
phir se matlub-e-ḳhala.iq hai gavahi koi
bar-sar-e-koh-e-siyah shola-e-larzan kyuun hai
ye amal hai ḳhas-o-ḳhashak ki chhidra.i ka
rang-e-rangin-e-gul-o-lala pareshan kyuun hai
Leave a Reply