Ruswa-E-Ishq Hai Tera Shaida Kahen Jise

rusvā-e-ishq hai tirā shaidā kaheñ jise

ushshāq meñ misāl hai rusvā kaheñ jise

siina chaman hai ġhuncha-e-dil hai shagufta-dil

terī nigāh hai chaman-ārā kaheñ jise

ġham-parvarīda hai dil-e-shorīdgān-e-ishq

furqat kī ek raat hai duniyā kaheñ jise

mansūb kufr dair se īmāñ haram se hai

ik rah gayā huuñ maiñ ki tumhārā kaheñ jise

ham ġhair-mo’tabar sahī aur ġhair mo’tabar

kahnā bajā hai aap kā jaisā kaheñ jise

Leave a Comment