Sahir Dehlavi
rusva-e-ishq hai tira shaida kahen jise
ushshaq men misal hai rusva kahen jise
siina chaman hai ghuncha-e-dil hai shagufta-dil
teri nigah hai chaman-ara kahen jise
gham-parvarida hai dil-e-shoridgan-e-ishq
furqat ki ek raat hai duniya kahen jise
mansub kufr dair se iman haram se hai
ik rah gaya huun main ki tumhara kahen jise
ham ghair-mo’tabar sahi aur ghair mo’tabar
kahna baja hai aap ka jaisa kahen jise
Leave a Reply