Rulaen Abr Ko Gulshan Ko Be-Bahaar Karen

rulā.eñ abr ko gulshan ko be-bahār kareñ

tirī udāsiyāñ aalam ko sogvār kareñ

dikhā.eñ aa.ina us ko jo aañkh se mahrūm

ab aa.ine ke tasavvur ko sharmsār kareñ

jo sāmne haiñ unheñ to maiñ dekh saktā huuñ

magar vo log jo pīchhe se mujh pe vaar kareñ

kisī chaTān se lipTeñ harārateñ māñgeñ

talab kī zarb se paidā na.e sharār kareñ

likheñ lahū se falak ke basīt kāġhaz par

anokhe Dhang se hamd-o-sanā-e-yār kareñ

Leave a Comment