rukhsar ke partav se bijli ki nai dhaj hai
kyuun aankh jhapakti hai kya samne suraj hai
duniya ki zaminon se ai charkh tu kya vaqif
ik ik yahan pinhan ka.vus hai iiraj hai
darvaze pe us but ke sau baar hamen jaana
apna to yahi kaaba apna to yahi haj hai
ai abru-e-janan tu itna to bata ham ko
kis rukh se karen sajda qible men zara kaj hai
insaf karo logo insaf karo pyaro
‘shair’ ki zamane men duniya se nai dhaj hai
Leave a Reply