Anand Narayan Mulla
ruḳh apna aa.ina mujh ko bana ke dekh liya
miri nigah ke parde men aa ke dekh liya
jo dost the unhen dushman bana ke dekh liya
zaban pe dil ki tamanna ko la ke dekh liya
haqiqat-e-gham-e-hasti ke naqsh miT na sake
tilism-ḳhana-e-arman bana ke dekh liya
vo be-ḳhabar mire soz-e-jigar se phir bhi nahin
har ik nigah pe parda gira ke dekh liya
unhen qubul nahin ishq-e-ra.egan apna
qadam qadam pe nigahen bichha ke dekh liya
ab aur is se siva chahte ho kya ‘mulla’
ye kam hai us ne tumhen muskura ke dekh liya
Leave a Reply