ruk ja.un bhala kaise tiri rahguzar men
main bad-e-saba huun mujhe rahna hai safar men
har pal mujhe ik ḳhauf ka ehsas hua hai
aaseb koi rahta hai shayad mire ghar men
us paikar-e-ḳhushbu ki main tasvir bana.un
itna to kamal aa.e mire dast-e-hunar men
dastar-e-fazilat ke main qabil to nahin tha
kya tujh ko nazar aaya tha is ḳhak-basar men
mumkin hai kaḌi dhuup bhi saa.e men badal jaa.e
shamil hai tiri yaad mire raḳht-e-safar men
Leave a Reply