roz ke intizam se pahle
main ne kal pi li shaam se pahle
ghunT bharne pe hosh aaya tha
main nashe men tha jaam se pahle
kya karun ab zaban se meri
ram nikalta hai raam se pahle
dil mira ab sharab mange hai
kaam ke baad kaam se pahle
kuchh pilane ka bandobast karo
tum mire ehtiram se pahle
chashm-e-hasrat ko paḌh ke dekho tum
kya ye mange salam se pahle
zindagi ko talashta huun main
maut ke ehtimam se pahle
Leave a Reply