Poet
jabin se naḳhun-e-pa tak dikha.i kyuun nahin deta
vo a.ina hai to apni safa.i kyuun nahin deta
dikha.i de rahe hain samne valon ke hilte lab
magar vo kah rahe hain kya suna.i kyuun nahin deta
samundar bhi tiri ankhon men sahra ki tarah gum hai
yahan vo tangi-e-ja ki duha.i kyuun nahin deta
jab us ne toḌ di zanjir divaren gira di hain
asiri ke tasavvur se riha.i kyuun nahin deta
vo ḳhud se baḳhsh deta hai jahan-e-ab-o-gil mujh ko
talab ke bavajud aḳhir gada.i kyuun nahin deta
ab ankhon se nahin hathon se chhuna chahta huun
mujhe vo vasl-ameza juda.i kyuun nahin deta
‘zubair’ ik baar ungli bhi nahin chhune ko milti hai
vo apne hasht-pahlu men rasa.i kyuun nahin deta
Leave a Reply